Қолданбалы өнер көрмесі

2013 жылы Француз үйінде бірегей Қолданбалы өнер көрмесі ұйымдастырылды, онда өткен ғасырлардың көне жәдігерлері келушілердің назарына ұсынылды. Топтамада 18-20 ғ.ғ. зергерлік бұйымдары, 20 ғ. басында қолдан тігілген кілемдер, тұрмыстық заттар – құмыралар, құмғандар, 19-20 ғасырда мыс және жезден жасалған самауырлар, суық қарулар, жылқы әбзелдері және т.б. қамтылды. Тұрмыстық заттардың ішінде ең көне жәдігерлердің бірі – 1748 жылғы өлшеуіш саптыаяқ, ең ерекшесі – Абылай ханға тиесілі болған, лағыл тас қондырылған күміс тіс тазартыш/құлақ тазартқыш.